Молитва благоверному князю Феодору и чадам его Давиду и Константину
Текст молитвы:
О угодницы Божии, святии и благовернии князи Феодоре, Давиде и Константине! Прострите благоприятныя молитвы ваши ко Господу и Создателю нашему и умолите Его благость даровати нам (имена) вся к вечному спасению потребная, также и к житию сему временному нужная: веруем бо несомненно, яко вся возможна, вам, яко истинным Его угодником. Ей, чудотворцы святии! Не посрамите упования нашего, но молитвами вашими сотворите нас наследники быти Царствия Христова, да прославляем человеколюбие в Троице славимаго и покланяемаго Бога, Отца и Сына и Святаго Духа, и ваше святое заступление, во веки веков.
Комментарии 0